Sorğuda muzey, 100 bal üzərindən cəmi 7.5 razılıq balı toplayıb
1946-cı ildən bəri ABŞ-nin paytaxtı Vaşinqtonda fəaliyyət göstərən Smithsonian Milli Aviasiya və Kosmos Muzeyi "dünyanın ən böyük məyusluq yaradan muzeyi" seçilib.
Sherg.az xəbər verir ki, Neil Armstrongun Apollo 11 ilə Aya enişi zamanı geyindiyi astronavt geyimi də muzeydə sərgilənir.
Smithsonian Milli Aviasiya və Kosmos Muzeyi, dünyadakı ziyarətçi rəylərinə əsasən "ən böyük məyusluq yaradan muzey" kimi qiymətləndirilib.
"Washington Times" qəzetinin xəbərinə görə, bu nəticə Radical Storage adlı şirkətin keçirdiyi sorğuya əsaslanır. Sorğuda muzey, 100 bal üzərindən cəmi 7.5 razılıq balı toplayıb.
Buna baxmayaraq, illik 3,1 milyon ziyarətçi qəbul edən muzeyə qarşı "çoxluq", "təmir səbəbilə bağlı bölmələr" və "köhnəlmiş sərgilər" kimi tənqidlər səsləndirilib.
2018-ci ildən bəri davam edən və 2026-cı ildə muzeyin 50 illik yubileyinə qədər tamamlanması planlaşdırılan təmir işləri də narazılıqlara səbəb olan əsas amillərdən biridir.
Eyni araşdırmada Londondakı Milli Portret Qalereyası (National Portrait Gallery) isə ən yüksək qiymət alan muzey olub.
