Ermənistan Xarici İşlər Nazirliyinin iki əməkdaşı koronavirusa yoluxub.
Bu barədə “Sputnik” xəbər yayıb.
Bildirilir ki, COVID-19 testi müsbət çıxan hər iki diplomat təcrid olunub.
Bundan başqa, yoluxmuş şəxslərin ünsiyyətdə olduğu insanlar da müəyyənləşdirilərək karantinə alınıblar.
Son məlumatlara görə, Ermənistanda 14 669 nəfər koronavirusa yoluxub. Onlardan 245 nəfəri ölüb.
