Türkiyənin xarici işlər naziri Hakan Fidan Azərbaycan xalqını Milli Qurtuluş Günü və Şuşa Bəyannaməsinin üçüncü ildönümü münasibətilə təbrik edib.
APA xəbər verir ki, Türkiyəli nazir bununla bağlı “X” sosial şəbəkəsindəki hesabında paylaşım edib:
“Can Azərbaycanın Milli Qurtuluş günü və Şuşa Bəyannaməsinin üçüncü ildönümü mübarək olsun! Türkiyə və Azərbaycan dərin köklərə malik dostluq və sarsılmaz qardaşlıq bağları ilə bir-birinə bağlı olan iki dövlətdir. Şuşa Bəyannaməsi ilə möhkəmlənən bu birliyimiz bölgəmizdə sülh və sabitliyin təminatı olmağa davam edəcəkdir. “Bir Millət, İki Dövlət” şüarı ilə ünsiyyətimizin və qardaşlığımızın daimi olmasını diləyirəm” – paylaşımda belə deyilir.
