Tehran ABŞ-nin İranın nüvə proqramı ətrafında yaranmış böhranın həlli üzrə danışıqların bir hissəsi kimi gələcək razılaşmaya dair təklifini reallıqdan uzaq hesab edir.
Teleqraf xəbər verir ki, bu barədə ISNA agentliyi mənbəyə istinadla məlumat yayıb.
Mənbənin sözlərinə görə, ABŞ tərəfinin son təklifi qətiyyən qəbuledilməzdir: “Tehran oradakı məqamları birtərəfli və reallıqdan uzaq hesab edir və bunu mümkün razılaşma üçün əsas hesab etməyəcək”.
Ağ Evin mətbuat katibi Kerolayn Levitt bundan əvvəl bildirmişdi ki, ABŞ prezidentinin xüsusi nümayəndəsi Stiven Uitkoff İrana Tehranın nüvə proqramı ilə bağlı ətraflı və məqbul təklif göndərib. İran Xarici İşlər Nazirliyinin rəsmi nümayəndəsi İsmayıl Bəqayinin sözlərinə görə, Amerika tərəfi Tehranın nüvə proqramı ilə bağlı təklif olunan saziş çərçivəsində İrana qarşı sanksiyaların ləğvi ilə bağlı hələlik İrana zəmanət verməyib və bu təklifə cavab ölkənin milli maraqları nəzərə alınmaqla hazırlanacaq.
