Sağılmasın deyə inək özünü yuxuluğa vurdu 

  İngiltərədəki fermalardan birində özünü yuxuluğa vuran inək sosial medianın sevimlisinə çevrilib. “Doris” adlı inək sahibinin də sevimlisidir.  Təsərrüfatın sahibi Con Brodi Dorislə çəkilən videoları sosial şəbəkədə paylaşır və milyonlarla izləyici onların dostluğuna şahid olur.  Con Brodi deyir ki, sağmaq üçün Dorisə yaxınlaşdığında bəzən inək özünü yuxuluğa vurur, guya ki, yatır. Con bunu anlayır, lakin israr etmir: “Doris mükəmməldir. O, bir inəkdən daha çox insandır. Süd vermək istəmirsə, özünü yuxuluğa vurur, ona yaxınlaşdığımda özünü yatmış kimi göstərir, mən də israr etmirəm. 200 inəyim var, Doris tamam başqadır”. Conun çəkdiyi video sosial şəbəkədə paylaşıldıqdan sonra Doris ABŞ-də də məşhurlaşıb. Dorisin sahibi ilə birlikdə fotoları ABŞ mediasında da yayılmağa başlayıb. Tiktokda isə Doris 1,5 milyondan artıq görüntülənib. CNN kanalı xüsusi olaraq Dorislə bağlı videosüjet hazırlayıb.