ABŞ-də aparılan yeni araşdırma hər kəsi təəccübləndirəcək bir nəticə ortaya çıxarıb. Araşdırmanın nəticələrinə görə, xatirələr təkcə beyində olmur. Alimlər müəyyən ediblər ki, insan beyni kimi böyrək və sinir toxuması hüceyrələri də xatirələri saxlaya bilir.
“Sherg.az” türk mediasına istinadən xəbər verir ki, ABŞ-də aparılan yeni araşdırma insan orqanizmi ilə bağlı yeni kəşfi üzə çıxarıb. Mütəxəssislər müəyyən ediblər ki, xatirələr təkcə beyində deyil, həm də bədənin müxtəlif yerlərində saxlanılır.
Alimlər sinir toxumasından və böyrəklərdən alınan hüceyrələrin beyin hüceyrələri arasında mesaj daşıyan "neyrotransmitter" kimyəvi maddələr kimi müxtəlif kimyəvi maddələrə necə reaksiya verdiyini araşdırdılar.
Həmin hüceyrələr müəyyən müddət ərzində müxtəlif kimyəvi siqnallara məruz qalmış və “yaddaş saxlama geni”nin nə vaxt aktivləşəcəyi izlənilmişdir.
Bunu müəyyən etmək üçün mütəxəssislər reaksiyaya girəndə parlayan bir zülal istehsal etmək üçün nümunə götürülmüş böyrək və sinir toxuması hüceyrələri hazırladılar.
Müəyyən bir müddət ərzində müxtəlif kimyəvi siqnallar alan həmin hüceyrələr, beyin hüceyrələrinin xatirələri saxlamaq üçün davranışlarını göstərən "yaddaş saxlama genini" aktivləşdirdi.
Tədqiqatın aparıcısı Nikolay Kukuşkin, öyrənmə və xatirələri saxlamaq qabiliyyətinin ümumiyyətlə beyin və beyin hüceyrələri ilə əlaqəli olduğunu, lakin bu araşdırma bədənin digər hüceyrələrinin də eyni şeyi edə biləcəyini göstərir.
Kukuşkin həmçinin bildirib ki, tədqiqat yaddaşın necə işlədiyini anlamaq və yaddaş problemlərini müalicə etmək üçün yeni imkanlar təqdim edir.
