Avropa İttifaqı oktyabrın 12-dən etibarən yeni rəqəmsal giriş-çıxış sərhədinin idarə edilməsi sistemini (EES) istifadəyə verəcək.
Publika.az xəbər verir ki, bu barədə “European Pravda” yazıb.
Bildirilir ki, EES-in məqsədi Aİ-nin xarici sərhədlərində nəzarətin səmərəliliyini və effektivliyini artırmaqdır. Yeni sistem Ukrayna vətəndaşlarına da şamil olunacaq.
Sistem Aİ üzv dövlətində qısa müddət qalmaq üçün səyahət edən Aİ üzvü olmayan vətəndaşların giriş-çıxışlarını, pasport məlumatlarını, barmaq izlərini və üz təsvirlərini rəqəmsal şəkildə qeyd edəcək.
"Biz kimin, nə vaxt və harada Aİ-yə daxil olacağını biləcəyik. Bu, sərhədlərin idarə edilməsinə yeni yanaşmamızın rəqəmsal əsasıdır", - deyə Avropa Komissiyasının daxili işlər üzrə komissarı Maqnus Brunner deyib.
Brunner əlavə edib ki, bu irimiqyaslı İT sisteminin 27 üzv dövlətdə tətbiqi mürəkkəb və tələbkar bir iş olsa da, biz buna hazırıq.
