Bir ildən çoxdur dünyanın baş ağrısına çevrilən koronavirus epidemiyasına yoluxma və ölüm sayı artmağa davam edir. Digər tərəfdən COVİD-19-a qarşı ən təsirli silahımız olan peyvəndlər bir çox ölkədə sürətlə tətbiq edilir. Hamının ağlında bir sual var: Dünyamiqyaslı peyvənd nə vaxt tamamlanacaq?
"Sherg.az" "Hürriyet"ə istinadən xəbər verir ki, mütəxəssislər, COVİD-19 epidemiyasının əhalinin peyvəndlənməsi ilə ortadan qalxacağını qəbul edirlər.
Dünya Səhiyyə Təşkilatı (ÜST) Prezidenti Dr. Tedros Adhanom Ghebreyesus, peyvəndləri pandemiyanı dayandırmaq üçün əhəmiyyətli bir ümid mənbəyi hesab edir.
30 Mart tarixində 24 saat ərzində verilmiş peyvənd dozalarının sayı 13.9 milyon idi. Bu rəqəmlər ilk baxışdan yüksək görünsə də, 7.8 milyarda yaxın olduğu təxmin edilən dünya əhalisinin yalnız 7.2 faizinin ən azı bir doz peyvənd aldığı mənasına gəlir.
Proses eyni tempdə davam edərsə, dünyadakı hər kəsin peyvəndlənməsi 3 ildən çox vaxt ala bilər. Onu da nəzərə almaq lazımdır ki, demək olar, mövcud olan bütün peyvəndlər tam qorumaq üçün iki dozaya ehtiyac duyurlar.
"Economist" jurnalının tədqiqat bölməsi olan "Economist Intelligence Unit" (EIU) hesablamalarına görə, inkişaf etmiş iqtisadiyyatlardakı yetkin əhalinin peyvəndlənməsi 2022-ci ilin ortalarına qədər həyata keçiriləcəkdir.
Orta gəlirli ölkələrdə bu təqvim 2022-ci ilin sonuna və ya 2023-cü ilin əvvəlinə qədər uzana bilər. Kasıb ölkələrdə isə yetkinlərin peyvəndlənməsi 2024-cü ilə qədər davam etmə ehtimalı var.
