7 saat qazanda qaynayır, öskürəyi kəsir
Elazığda 7 ildir təbii məhsullar hazırlayan Tuba Bahçeci, astma, KOAH və öskürəyə yaxşı təsir edən şam qozası şərbəti hazırlayır. Bahçeci, odun atəşində 7 saat qaynayan bu şərbəti xüsusilə siqaret istifadə edənlərə məsləhət görür.
Sherg.az xəbər verir ki, Elazığın Yedigöze kəndində yaşayan iki uşaq anası Tuba Bahçeci, 7 ildir müxtəlif təbii məhsullar hazırlayır.
50 fərqli sabun növünün yanaşı, astma, KOAH və öskürək kimi xəstəliklərə yaxşı təsir etdiyi bilinən şam qozası şərbəti hazırlayan Bahçeci, xüsusilə siqaret çəkənlərə bu məhsulu tövsiyə edir.
Bəslənməmiş (sütül) qozaları toplayıb bir gün suda saxladıqlarını və sonra odun atəşində 7 saat qaynatdıqlarını bildirən Bahçeci bunları deyib: “İki uşaq anasıyam. 7 ildir bu işlə məşğulam. Təbii məhsullar hazırlayıram. 50 növ sabunumuz var, bir çox təbii məhsul istehsal edirəm.
Bu gün burada təbii məhsullarımızdan biri olan şam qozası şərbətini hazırlayıram. Bəslənməmiş qozaları toplayırıq. Bir gün suda saxlayırıq. Saxladıqdan sonra odun atəşində qazana qoyub tam 7 saat qaynadırıq. Şəkər istifadə etmirəm.
Əgər şəkərli istəyənlər olarsa, tərkibində qəhvəyi şəkər və ya təbii bal olur. Mərhələli şəkildə şam qozası şərbətimizi qaynadırıq. Şam qozası şərbətimiz astma, KOAH, öskürək kimi xəstəliklərdə təsirlidir. Xüsusilə siqaret çəkənlərin bu şərbəti istifadə etməsi tövsiyə olunur”.
