Qədim dövrlərdən xınanın evlənəcək cütlükləri pis gözdən və nəfsdən qoruyacağına inanılır. Ona görə də xına yaxmaq keçmişdən bu günə qədər mövcud olan İslam ənənələrindən biridir.
Satışda əsasən qəhvəyi və yaşıl olmaqla iki növ xına var. Yaşıl xına saf xına deyil, boya ilə rənglənir. Qəhvəyi rəng xına isə saç və dəriyə qulluqda çox faydalıdır.
“Sherg.az” “milliyet.com”a istinadən xınanın sağlamlıq üçün faydalarını açıqlayır:
Ağrı kəsici
Bədənin ağrılı hissələrinə xına vurulduqda, həmin bölgə ağrılardan xilas olur. Xına yanıq yaralarının müalicəsində də faydalıdır və ağrıları azaltdığı üçün yanıq yaralarının sürətlə yaxşılaşmasını təmin edir.
Baş ağrısı üçün faydaları
Əsasən qırmızı xına çiçəkləri baş ağırsını aradan götürür. Baş ağrısını azaltmaq üçün xına bir pasta kimi tətbiq olunmalıdır.
Dırnaqlar üçün faydalıdır
Xüsusilə çatlamağa meylli olan dırnaqlar üçün terapevtik xüsusiyyətə malikdir. Bunun üçün həqiqi yağ və xına tozu qarışığından istifadə maksimum səmərəliliyi təmin edir.
Ayaqlara faydası
Xına ayaqdakı göbələyi təmizləyir və ayaqdakı qoxuları təmizləyir. Həm də ayaqdakı yaraları da müalicə edir.
Saçlara faydası
Tökülən saçlar üçün xına təbii bir müalicə mənbəyidir. Saçlara müntəzəm olaraq xına tətbiq etməklə saçdakı bəzi qırılmaların da qarşısını almaq olar.
