Sabah Milli Məclisə növbədənkənar seçkilərlə bağlı seçki bülletenlərinin Mərkəzi Seçki Komissiyasından dairə seçki komissiyalarına verilməsi prosesi başa çatır.
APA-nın Mərkəzi Seçki Komissiyasının saytına istinadən məlumatına görə, Seçki Məcəlləsinin 99.6-cı maddəsinə əsasən, Mərkəzi Seçki Komissiyası səsvermə gününə azı 5 gün qalanadək seçki bülletenlərini dairə seçki komissiyalarına verməlidir.
Milli Məclisə növbədənkənar seçkilərlə əlaqədar bu müddət fevralın 4-dək olan dövrü əhatə edir.
Seçki bülletenlərinin seçki komissiyasından məntəqə seçki komissiyalarına verilməsi prosesi isə fevralın 6-dək başa çatmalıdır.
