Siqaretin ağciyər xərçəngi, ürək xəstəlikləri və tənəffüs problemləri kimi ciddi sağlamlıq problemlərinə səbəb olduğu çoxdan məlumdur. Londonda aparılan son araşdırmada hər siqaretin insan həyatından neçə dəqiqə oğurladığı müəyyən edilib.
Sherg.az xəbər verir ki, Britaniyalı alimlərin apardığı araşdırmada diqqətçəkən məqamlar aşkarlanıb.
Mütəxəssislər hesab edir ki, hər siqaret çəkəndə kişilər həyatının orta hesabla 17 dəqiqəsini, qadınlar isə 22 dəqiqəsini itirir. Əvvəlki araşdırmalar göstərirdi ki, hər siqaret həyatdan 11 dəqiqə oğurlayır, lakin Britaniya alimlərinin son araşdırması sübut edib ki, bu vaxt artıb.
London Universitetinin rəhbərliyi ilə aparılan araşdırmada siqaretin zərərlərinin məcmu xarakter daşıdığı və insanın nə qədər tez buraxsa, bir o qədər çox yaşayacağı vurğulanıb.
Böyük Britaniyanın Səhiyyə və Sosial Baxım Departamentinin apardığı təhlillər göstərib ki, gündə on siqaret çəkən adam yanvarın 1-də bunu buraxsa, yanvarın 8-dək həyatının bir gününü xilas edəcək.
Araşdırmalar göstərib ki, siqaret çəkməyə davam edən insan fevral ayında bir həftə, avqusta qədər isə təxminən bir ay daha çox yaşaya bilər.
Tədqiqatlar sübut edir ki, siqaret çox vaxt sağlam orta illəri bitirir, buna görə də siqaret çəkənlərin həyatının son illəri xroniki xəstəliklər və əlilliklə dolu olur. Mütəxəssislər 60 yaşlı siqaret çəkənin sağlamlıq vəziyyətinin 70 yaşlı siqaret çəkməyən adama bənzədiyini vurğulayırlar.
Araşdırma Qrupundan Dr. Sarah Jackson, "Siqareti nə qədər tez buraxsanız, sağlamlığınız bir o qədər tez yaxşılaşacaq" deyir.
