ABŞ-ın Bakıdakı səfirliyinin müvəqqəti işlər vəkili Hüqo Qevara Azərbaycan Xarici İşlər Nazirliyinə çağırılıb.
Oxu.Az-ın məlumatına əsasən, bununla bağlı XİN-in açıqlamasında bildirilir.
Oktyabrın 10-dan 11-nə keçən gecə Azərbaycan Respublikasının Vaşinqtondakı səfirliyinin xidməti avtomobilinə atəş açılıb.
Azərbaycan müvəqqəti işlər vəkilinə baş vermiş hadisə ilə bağlı ciddi narahatlığını və narazılığını ifadə edib.
Azərbaycan diplomatik nümayəndəliyinin təhlükəsizliyinin təmin edilməsi tələbi qarşı tərəfin diqqətinə çatdırılıb.
