ABŞ-nin milli təhlükəsizlik müşaviri Jake Sullivan, prezident Co Baydenin noyabrın 15-də çinli həmkarı Xi Jinping ilə görüşü zamanı iki ölkə arasında hərbi əlaqələrin bərpası üçün təzyiq göstərəcəyini açıqlayıb.
Sherg.az xəbər verir ki, CBS televiziyasında yayımlanan "Face the Nation" proqramında qonaq olan Sullivan, Bayden və Xi arasında noyabrın 15-də San-Fransiskoda keçiriləcək görüşü dəyərləndirib.
Sallivan, "Prezident (Bayden) hərbi əlaqələri bərpa etməkdə qərarlıdır, çünki bunun ABŞ-ın milli təhlükəsizlik maraqlarına uyğun olduğunu düşünür. Bu tip kommunikasiya kanallarına ehtiyacımız var. Səhv, yanlış hesablama və anlaşılmazlıq olmasın. ." şərhini verib.
Bu əlaqələrin bütün səviyyələrdə qurulmasının mümkün olduğunu vurğulayan Sullivan əlavə təfərrüatlar verməkdən çəkinib.
Bayden və Xi sonuncu dəfə 2022-ci ilin noyabrında İndoneziyanın Bali adasında keçirilən G20 Sammitində üz-üzə görüşüblər. Bu il Bayden Hindistanın paytaxtı Yeni Dehlidə keçirilən G20 Sammitində iştirak edib.
