
AZAL bacarmır -Ekspertdən sərt tənqid
AZAL bacarmır -Ekspertdən sərt tənqid
Yusif Nəzərli
12:07 04.08.2024
Cəmiyyət
870
Hava limanında əsl xaos yaşanır
Limanın və personalın potensialı bu qədər sıxlığa öyrəşməyib
“Narazılıqlar arxasında dayanan əsas amil quru sərhədlərinin bağlı olmasıdır”
Əməkdar artist Əkbər Əlizadə hava limanında dava edib. Bununla bağlı görüntülər sosial şəbəkələrdə paylaşılıb. Aktyor təyyarənin uçuşu gecikdiyi üçün etiraz edib. Aviaşirkət reysin gecikməsi ilə bağlı əvvəlcədən heç bir xəbərdarlıq mesajı göndərmədiyindən, sərnişinlər aeroportda gözləməyə məcbur edilib. Bu isə onların ciddi narazılığına səbəb olub.
Aeroportda qalan aparıcı və digər sərnişinlər hava yolları şirkət narazılıqlarını bildiriblər ki, niyə bu qədər vaxt ərzində insanları sağdan- sola, soldan-sağa aparırlar: “Səbəbi nədir? Onu istəyirsiniz ki, mətbuata yayaq? Boğazımızdan kəsib, pul verib istirahətə gedirik. Burnumuzdan gətirdiniz”.
İqtisadçı-ekspert Natiq Cəfərli isə “Sherg.az”a açıqlamasında deyib ki, problemlərə səbəb uçuş edən sərnişinlərin sayının çox olmasıdır:

“Düzü, mən hava limanında bu cür problemlərlə çox qarşılaşmamışam. Bu hadisə barəsində də xəbərsizəm. Zənnimcə, paytaxtdan uçuş edən sərnişinlərin sayı çox olduğuna görə sıxlıq və gecikmələr müşahidə oluna bilər. Hava limanının və personalın potensialı isə bu qədər sıxlığa öyrəşməyib. Ona görə də narazılıqlar yaranır. Onu deyə bilərəm ki, məsələnin arxasında dayanan əsas amil quru sərhədlərinin bağlı olmasıdır. Əgər qonşu ölkələrlə sərhədlərimiz açıq olsaydı, Gürcüstanda, Türkiyədə istirahət etmək istəyən insanların əksəriyyəti quru yolu ilə gedəcəkdi. O zaman da hava limanında bu cür qarışıqlıq və narazılıq olmayacaqdı”.
Qeyd edək ki, 2020-ci ilin martından etibarən Azərbaycanın quru sərhədləri bağlıdır. Nazirlər Kabineti sonuncu dəfə 2024-cü ilin martında 1 oktyabr 2024-cü ilədək quru sərhədlərin bağlı qalması haqqında qərar qəbul edib.
N.Cəfərli sərhədlərin bağlı qalmasının sosial-iqtisadi fəsadları barəsində dəfələrlə məsələ qaldırdığını deyib:
“İllərdir deyirik ki, quru sərhədlərin uzun müddət bağlı qalması böyük sosial kütlələrə, onların həyat tərzinə, dolanışığına, mikro və kiçik biznesə, fərdi sahibkarlığa mənfi təsir göstərir. Quru sərhədləri açılmalıdır. Təhlükəsizlik məsələləri isə aidiyyəti dövlət qurumları tərəfindən çevik şəkildə idarə edilə və tənzimlənə bilər”.
Oxşar xəbərlər
Xəbər lenti
Hamısına bax
“Turan Tovuz” azlıqda “Şamaxı”ya qalib gəldi
16:42 21.11.2026
Futbol
Küləkli hava şəraiti ilə bağlı SARI XƏBƏRDARLIQ verilib
16:28 21.11.2026
Ekologiya
Polşa NATO-nun 4-cü maddəsini işə salmağı nəzərdən keçirir
16:26 21.11.2026
Dünya
Avropa Jurnalistlər Federasiyası Paşinyanı sərt tənqid etdi
16:08 21.11.2026
Siyasət
Milli Parkın ərazisində qanunsuz ov edən şəxs saxlanılıb
15:44 21.11.2026
Ekologiya
Azərbaycan və Vyetnam prezidentlərinin Birgə Bəyanatı qəbul edilib
15:35 21.11.2026
Gündəm
Paşinyan: Sabah TRIPP layihəsinin başlanması rəsmən elan ediləcək
15:05 21.11.2026
Region
Şapka udan məşhur begemot Fiona öldü
14:57 21.11.2026
Hadisə
Krivoy-Roqa hava hücumu nəticəsində ölənlər və yaralananlar var
14:41 21.11.2026
Dünya
Şəkidə küçə iti 4 yaşlı qızı dişləyib
14:28 21.11.2026
Hadisə
Sensasion xəbər var, ABŞ prezidenti o olacaq - Tramp
14:19 21.11.2026
Dünya
Böyük Britaniyanın yenidən Aİ-yə qoşulması müzakirə oluna bilər
14:07 21.11.2026
Dünya
İtkin düşmüş kimi axtarışda olan 4 nəfər tapılıb
13:57 21.11.2026
Hadisə
Rusiya: Bir sutkada 464 Ukrayna PUA-sı vurulub
13:20 21.11.2026
Dünya