Ölkələrimiz arasında daha sıx əlaqələr qurulmasını hədəfləyən Türk Dövlətləri Təşkilatının qurulmasının 15ci ildönümünü qeyd etdik.
APA-nın xəbərinə görə, bunu Bişkekdə Türk Dövlətləri Təşkilatı Dövlət Başçılarının 11-ci Zirvə görüşündə Türkiyə Prezidenti Rəcəb Tayyib Ərdoğan bildirib.
Türkiyə Prezidenti Zirvə görüşünün bütün Türk dünyası üçün faydalı olmasını arzulayıb: “TDT Avrasiya coğrafiyasında istiqrar və sabitliyi gücləndirən bir platformaya çevrilib. Bu masanın arxasındakı bütün dostlarımızda güclü iradə var, təşkilatımızı daha da inkişaf etdirəcəyik ”.
Rəcəb Tayyib Ərdoğan qeyd edib ki, Cənubi Qafqazda 30 ildən sonra sülh və sabitliyə gedən yolun qapıları açılıb: “Azərbaycanın tarixi Zəfərinin yaxın zamanda bir sülh müqaviləsi imzalanmaqla masada da təsdiqlənməsini arzu edirik”.
