Biz “3+3” regional əməkdaşlıq platformasına regionun bütün ölkələrinin maraqlarının uyğunlaşdırılmasında mühüm yer ayırırıq.
Axar.az xəbər verir ki, bunu Rusiya xarici işlər nazirinin müavini Mixail Qaluzin Moskvada keçirilən “Rusiya-Ermənistan” ictimai forumunda çıxışında deyib.
“Bunun Cənubi Qafqazda qarşılıqlı fəaliyyət üçün tam hüquqlu təşkilata çevrilməsi üzərində işləyirik. Məhz bu müsbət birləşdirici gündəm bu gün həmişəkindən daha aktualdır. Şübhə etmirəm ki, əsrlər boyu formalaşmış möhkəm potensial və möhkəm əlaqələrin zənginliyi Rusiya və Ermənistana birlikdə bütün güc sınaqlarına layiqincə tab gətirməyə imkan verəcək”, - Qaluzin bildirib.
