“Gürcüstan hakimiyyətinin Avropa Komissiyasının iyulun 14-də göndərdiyi məktuba ötən gün cavab verdiyini təsdiqləyə bilərəm”.
Teleqraf-ın yerli bürosu xəbər verir ki, bunu Avropa Komissiyasının nümayəndəsi Markus Lammert deyib.
Onun sözlərinə görə, komissiya Gürcüstanın cavabını qiymətləndirəcək.
“Ümid edirik ki, Gürcüstan hakimiyyəti komissiyanın tövsiyələrində yer alan məsələlərin həlli üçün konkret addımlar atacaq”, - M.Lammert söyləyib.
O, Gürcüstanın təqdim etdiyi hesabatın məzmunu barədə açıqlama verməyib:
“Məlum olduğu kimi, bu cür informasiya açıqlanmır”.
Qeyd edək ki, bu gün Gürcüstanın Xarici İşlər Nazirliyi Avropa Komissiyasının viza rejiminin liberallaşdırılması ilə bağlı tövsiyələrinin yerinə yetirilməsinə dair hesabatı müəyyən olunmuş müddət ərzində - avqustun 31-də təqdim etdiyini bildirib.
