Azərbaycan BMT-də Cammu və Kəşmirlə bağlı münaqişənin sülh yolu ilə həllinə dəstəyini növbəti dəfə ifadə edib.
APA xəbər verir ki, Birləşmiş Millətlər Təşkilatının Baş Assambleyasının (UNGA) 80-ci sessiyası çərçivəsində Azərbaycan xarici işlər nazirinin müavini Elnur Məmmədov İslam Əməkdaşlıq Təşkilatınən Cammu və Kəşmir üzrə əlaqə qrupunun iclasında iştirak edib.
Elnur Məmmədov bəyanatında münaqişənin beynəlxalq hüquqa və BMT Təhlükəsizlik Şurasının müvafiq qətnamələrinə uyğun olaraq, sülh yolu ilə həllinə Azərbaycanın ardıcıl dəstəyini ifadə edib.
