"İrana artıq daha sərt mesaj verməyin vaxtıdır. Bunların notadan, diplomatik dildən anlamadığı bəllidir".
"Sherg.az" xəbər verir ki, bu barədə siyasi şərhçi Turab Rzayev deyib.
Analitik bildirib ki, İran ilə bütün ikitərəfli əməkdaşlıq və təhlükəsizlik müqavilələrinə yenidən baxıla biləcəyi açıq şəkildə bildirilməlidir:
"Arazboyu layihələr əsas olmaqla, bütün iqtisadi layihələrin dondurula biləcəyi, İrana iqtisadi sanksiyalar gündəmə gəlməlidir. Gorus-Qafan yolu tam olaraq nəzarətə götürülməlidir, bütün hərbi təyinatlı, tikinti materialları və digər yüklər tamamilə qadağan edilməlidir, ancaq limitli miqdarda ərzaq və tibbi ləvazimatların, humanitar yüklərin daşınmasına icazə verilməlidir. Qarabağda iqtisadi fəaliyyət göstərən bütün İran vətəndaşları və şirkətləri qara siyahıya salınmalı, haqqında cinayət işi açılmalı, beynəlxalq axtarışa verilməlidir. Bunlar başqa dildən başa düşmürlər".
