Rusiya Dövlət Dumasının sabiq deputatı, Vladimir Jirinovskinin oğlu İqor Lebedev ilk dəfə olaraq COVID-19 diaqnozu ilə xəstəxanaya yerləşdirilən atasının vəziyyəti barədə ictimai reaksiya verib.
İ.Lebedev öz “Facebook” səhifəsində qısa olaraq “sadəcə yaşa!” sözləri ilə status paylaşıb.
Qeyd edək ki, V. Jirinovski fevralın 9-u Moskvanın Mərkəzi Klinik Xəstəxanasına yerləşdirilib.
Bəzi məlumatlara görə, siyasətçinin ağciyərlərinin 50-70% zədələnib və ona ikitərəfli pnevmoniya diaqnozu qoyulub.
Jirinovskinin özü səkkiz dəfə COVID-19-a qarşı peyvənd olunduğunu bildirib.
