"Ukrayna müharibəni Rusiyaya uduzub.
Ancaq Rusiyanın hərbi qələbəsini siyasi-diplomatik reallığa çevirməsi hələ mümkün görünmür".
Bu sözləri "Sherg.az" a açıqlamasında siyasi şərhçi Vüqar Dadaşov deyib.
Siyasi şərhçinin sözlərinə görə, Qərb Ukrayna ilə Rusiya arasında əbədi düşmənçilik yaratmaqla strateji siyasi qələbəsini qazanıb:
"Hal-hazırda Rusiya əldə etdiyi uğurları saxlamaq üçün müharibəni dayandırmaq və danışıqlara getməyə maraqlı tərəfdir. Ancaq Qərb müharibədən çıxmağa bir çox səbəblərə görə çətinlik çəkir. Əvvəla, Ukrayna özü məğlubiyyəti qəbul etmir və müharibəni davam etdirməkdə israrlıdır baxmayaraq ki, hərbi resursları tükənib.
Əsas həlledici məqam isə ondadır ki, Rusiyanın işğalının rəsmiləşməsi presedent kimi, dünya üçün yeni təhlükələr vəd edir və dövlətlərin ərazi bütövlüyü, suverenliyinin artıq şərti anlayışa çevrilir. Həm də, suveren Ukrayna dövlətinin Qərbin, yaxud NATO-nun istəyi ilə deyil, Rusiyanın istəyi ilə parçalanması Rusiyanı kollektiv Qərb üzərində mütləq qalibə çevirir. Bütünlüklə kollektiv Qərbin, NATO İttifaqının bu nəticə ilə razılaşacağına inam azdır. Yeri gəlmişkən, Ukraynanın sabiq xarici işlər naziri Dmitri Kuleba 2022-ci ilin əvvəlində ABŞ Prezidenti Co Baydenin masasında Ukraynanın süqutu ilə bağlı proqnozların əks olunduğu sənədi gördüyünü qeyd edib.
Donald Trampın ABŞ prezidenti seçilməsi ilə Rusiya - Ukrayna müharibəsinin dayanacağına ümidlər yaransa da, şərtlər Donald Trampı seçki öncəsi səsləndirdiyi fikirlərdən fərqli addımlar atmaq məcburiyətindədir. Əlbəttəki ki, bu prosesin ancaq görünən tərəfidir. Deməli, Trampın yenidən prezident seçilməsi də "Deep state" strukturdan kənar deyil".
