İranla münasibətlərin yaxşılaşdırılması Azərbaycanın xarici siyasətinin uğurudur.
Bu fikri Moskva Dövlət Beynəlxalq Əlaqələr İnstitutunun Qafqaz və regional təhlükəsizlik problemləri Mərkəzinin baş elmi işçisi Nikolay Silayev səsləndirib.
“Azərbaycan diplomatiyası çox uğurludur. İkinci Qarabağ müharibəsindən sonra narahat olan İranla vəziyyəti yumşaltmaq lazım idi və bunu da uğurla bacardı. Bundan əlavə, İran hazırda o vəziyyətdə deyil ki, özünə xaricə siyasətdə yeni konfliktlər yaratsın. Bakının siyasəti isə həmişə mümkün qədər bütün qonşuların maraqlarını nəzərə almaqdan ibarət olub. Və bu siyasət öz bəhrəsini verməkdədir”, - deyə ekspert vurğulayıb.
Xatırladaq ki, 2021-ci ilin noyabrında Azərbaycan baş nazirinin müavini Şahin Mustafayev İrana səfər edib.
Bir neçə gün sonra prezidentlər İlham Əliyev və İbrahim Rəisi Aşqabadda görüşüblər.
Dekabrda İranın xarici işlər naziri Hüseyn Əmir Abdullahiyan, 2022-ci ilin yanvarında isə İran İslam Respublikasının yol və şəhərsalma naziri Rüstəm Qasimi Bakıda səfərdə olub.
Mənbə: Regnium
