Rusiyada məşhurlaşan azərbaycanlı müğənni Nəvai Bəkirov (Navai) musiqi tərzini dəyişməsi ilə bağlı ona yazılan tənqidlərə cavab verib.
Axşam.az xəbər verir ki, ifaçı sosial şəbəkədə paylaşım edərək artıq keçmişlə bağlı mahnılar yazmaqdan yorulduğunu etiraf edib:
“Keçmişdən yazmaqdan yoruldum, artıq bu günü bölüşmək istəyirəm. Mən mahnını yad insanlar və dinləyicilər üçün yox, özüm üçün edirəm. Daha dəqiq özümlə danışmaq üçün. Musiqi mənim psixoloqumdur. Əgər indi hamı əziyyət çəkmək istəyirsə, mən istəmirəm. İnsanlara əziyyət çəkməməyi öyrətmək, əziyyət çəkənlərin içində birinci olmaqdan daha yaxşıdır.
Ona görə də kim özünü günahlandırmaqla məşğul olmaq və həyatın dadını çıxarmamaq istəyirsə, məni izləmədən çıxa bilər. Onsuz da mənə o qədər pis şeylər yazmısınız ki, artıq onların yarısını "qara siyahı"ya atmışam. Bir insanı təkcə o rok dinləmir deyə təhqir etmək axmaqlıqdır. Belə insanlar mənə lazım deyil”.
