“Onun sirri” proqramı müğənni Niyam Salaminin doğulub boya-başa çatdığı evdə olub.
“Sherg.az”ın məlumatına görə, N.Salami uşaqlığından danışarkən göz yaşlarına hakim ola bilməyib:
“Həmişə deyirəm kövrəlməyəcəm, amma alınmır. Təəssüf ki, rayona, torpağıma gedəndə valideynlərimi görə bilmirəm. Düzdür, başım uca gedirəm. Maşından düşəndə, camaata salam verəndə, çəkinmirəm-utanmıram.
Bu, böyük şərəfdir. Kənddə müğənni olduğum üçün məni sıxıblar, əzilmişəm. Camaatı ağlatmaq-güldürmək çox çətindir. Hardasa deyirdilər ki, müğənni olsan, səni qəbul etməyəcəyik. Məndən maddi dəstək də gözləmirlər”.
İfaçı söyləyib ki, vaxtında klublarda çox pul xərcləyib:
“Klubların “xalq artisti” olmuşam. Gənclik illərimdə klubsever idim”.
