Təhsil naziri Emin Əmrullayev Müəllimlərin İşə Qəbulundan danışıb. Nazir, müsahibə mərhələsinin əsasən yer seçimi edildikdən sonra həyata keçiriləcəyini deyib. O qeyd edib ki, sertifikasiya imtahanının həyata keçirilməsindən sonra həm sertifikasiya, həm də MİQ imtahanlarının da 120 dəqiqə ərzində olması planlaşdırılır.
Təhsil eksperti Elçin Əfəndi “Sherg.az”a açıqlamasında məsələyə münasibət bildirdi:
“Fikrimcə, bu, doğru, təşəbbüsdür. Çünki 90 sualı 60 dəqiqəyə cavablamaq tələb olunurdu. Bəzən suallar çox uzun olur. Axırına çatanacan şərt namizədin yadından çıxır. Beləliklə, bir suala 3-4 dəqiqə vaxt lazım gəlir. Odur ki, qərar yerinə düşür. Lakin bu, sualların sayının və çətinlik dərəcəsinin artırılmasına əsas olmamalıdır”.
Ekspert, həmçinin vakant yerlərlə bağlı da danışdı:
“Əməkhaqqı qədər təqaüd verilmək şərti ilə 55 yaşına çatmış müəllimlərin təqaüdə göndərilməsi, məncə, bu problemi həll edə bilər. İkinci bir tərəfdən, orta ixtisas və ali məktəblərdə pedaqojiyönümlü ixtisaslar azaldılmalıdır”.
