Müəllimlərin işə qəbulu müsabiqəsinin əlavə yerləşdirmə üzrə vakansiya seçimi başa çatıb.
Bu barədə Təhsil Nazirliyindən məlumat verilib. Bildirilib ki, 5 190 namizəd elektron ərizəsini təsdiq edərək bu mərhələdə iştirak edib.
Ərizəsini təsdiq edənlərin elektron yerləşdirilməsinin nəticələri barədə məlumat namizədlərin şəxsi səhifələrinə göndərilib.
Elektron yerləşdirilmə zamanı vakant yer tutmaq hüququ qazanan namizədlərlə müsahibə mərhələsi keçiriləcək. Müsahibə zamanı uğur qazanan namizədlər müddətsiz müqavilə ilə işə qəbul ediləcəklər.
Vakant yer tutan namizədlərin şəxsi səhifələrinə müsahibə mərhələsi barədə tezliklə məlumat göndəriləcək.
