Niyə Azərbaycan quru sərhədlərini açmır? – “Dövlət təhlükəsizliyi və virusla bağlıdır, yoxsa…? – İZAH 

Tural Abbaslı:“Bu, sırf biznes məsələsidir”

“Fikrimcə, Naxçıvanda olan son quru sərhəddimizin bağlanması və sərhədlərin açılmaması aviabiletlərin satışının artırılması məqsədi daşıyır. Bu da hazırkı halda əhaliyə ciddi zərbə vurur”


Rusiya Federasiyası iyulun 15-dən etibarən quru sərhədlərini açacaq və COVID-19-un yayılması ilə əlaqədar tətbiq edilən məhdudiyyətlər ləğv ediləcək.
Bu barədə Koronavirusun Yayılmasına qarşı Mübarizə üzrə Operativ Qərargah məlumat yayıb.İyulun 14-dən etibarən isə xarici ölkə vətəndaşlarının Rusiya ərazisinə hava və dəniz keçid məntəqələri vasitəsilə girişinə qoyulan məhdudiyyətlər tamamilə aradan qaldırılacaq

 Rusiyanın belə sərhədləri açdığı bir zamanda Azərbaycandakı quru sərhədlərinin hələ də açılmaması əhali arasında narazılıq yaradıb. Sosial şəbəkələrdə bunun səbəblərinə dair ikili yanaşma var. Bir tərəf quru yolunun açılmamasınıl Meymun çiçəyinin ölkədə yayılmaması üçün olduğunu deyib, digər tərəf isə dövlət təhlükəsizliyi məsələsi olduğunu müdafiə edib.

Sərhədlərin bağlı qalmasının dövlət təhlükəsizliyinə və virusa adiyyəti olmadığını deyən Ağ Partiyanın sədri Tural Abbaslı "Sherg.az"a bildirib ki, bu, sırf biznes məsələsidir:

"Rusiya və digər ölkələrin sərhədləri açması onların daxili işidir. Təbbi ki, onlar bizlə həmsərhəd ölkədir və biz də sərhədləri qarşılıqlı aça bilərik. Amma bizdə hər şey əksinə gedir. Türkiyə ilə olan Naxçıvan sərhədini də bağladılar. Düşünürəm ki, bu hadisə Türkiyədə oxuyan və tətildən evə qayıdan tələbələrə, həmçinin istirahət günlərini digər ölkələrdə keçirmək istəyən insanlara problem yaradır. Təhlükəsizlik və Meymun çiçəyi məsələsinə gəlincə, deyikm ki, sərhələrin açılmamasının bununla əlaqəli olduğunu düşünmürəm. O zaman biz nə qədər ki, Rusiya,İran və Ermənistanla qonşuyuq sərhədlər bağlı saxlamalıyıq.
Meymun çiçəyinə görə isə hələ heç bir ölkə sərhədlərini bağlamayıb. Fikrimcə, Naxçıvanda olan son quru sərhəddimizin bağlanması və sərhədlərin açılmaması aviabiletlərin satışının artırılması məqsədi daşıyır. Bu da hazırkı halda əhaliyə ciddi zərbə vurur. Ona görə də quru sərhədlərini açmasını tələb edirəm".