Britaniyanın Kembric şəhər xəstəxanasında 76 yaşlı məşhur sovet dissidenti və yazıçı Vladimir Bukovski vəfat edib.
Kult.az xəbər verir ki, onun ürəyinin dayandığı bildirilib.
Qeyd edək ki, Bukovski 1942-ci ildə Başqırdıstanda anadan olub. O, ümumilikdə 12 il həbs həyatı keçirib. 1976-cı ildə SSRİ onu Çili Kommunist Partiyasının lideri Luis Korvalanla dəyişib. Mübadilə Sürixdə baş tutub.
2007-ci ildə prezidentliyə namizədliyini irəli sürsə də, Rusiya MSK onu qeydiyyata almayıb. 2014-cü ildə isə Rusiya XİN Bukovskiyə vətəndaşlıq verməkdən imtina edib.
