Dini Qurumlarla İş üzrə Dövlət Komitəsinin sədri Mübariz Qurbanlı məscidlərdə ianələrin qəbul edilməsi ilə bağlı hazırlanan yeni qaydalar haqqında danışıb.
"Report"un xəbərinə görə, bu barədə Mübariz Qurbanlı jurnalistlərə açıqlamasında bildirib ki, hazırda yeni qaydalarla bağlı təkliflər hazırlanır.
"Hələ ki ianələrin ödənilməsi ilə bağlı qaydalar təsdiq olunmayıb. Milli Məclisdə “Dini etiqad azadlığı haqqında” Azərbaycan Respublikasının Qanununda dəyişiklik edilməsi ilə bağlı müzakirələr gedir. Qərar layihəsi qəbul edilərsə, ianələrin qəbul edilməsi şərtləri açıqlanacaq", - qeyd edib.
