Rusiya bu hücumları dəf edə biləcək, ATACMS təmas xəttindəki vəziyyəti dəyişə bilməyəcək.
Axar.az bunu Rusiya Prezidenti Vladimir Putin ABŞ-ın Ukraynaya ATACMS raketlərini ötürmək qərarını şərh edərkən deyib.
“Birincisi, bu, təbii ki, zərərlidir və əlavə təhlükə yaradır. İkincisi, biz təbii ki, bu hücumları dəf edə biləcəyik. Müharibə müharibədir və təbii ki, onlar təhlükə yaradır, bu sözsüzdür. Amma ən əsası odur ki, ATACMS təmas xəttindəki vəziyyəti kökündən dəyişmək iqtidarında deyil. Mümkün deyil. Bunu əminliklə demək olar. Və nəhayət, bu, ABŞ-ın növbəti səhvidir”, - o bildirib.
Prezident ABŞ-da Rusiyanın Ukraynada müharibədə uduzması ilə bağlı iddiaları gülünc adlandırıb:
“Bəs onda nə üçün ATACMS göndərilir? Madam ki, müharibəni uduzmuşuq, qoy silahları geri götürsünlər də!”
