Ölkəmizin baş naziri İrakli Qaribaşvili, Türkiyədə baş verən partlayışla bağlı baş sağlığı verib.
24News.ge xəbər verir ki, Qaribaşvili bu barədə öz “Twitter” hesabında qeyd edib.
Hökumət başçısı xəsarət alanların tezliklə sağalmasını arzulayıb:
"İstanbulda baş verən partlayışla əlaqədar Gürcüstan hökuməti və xalqı adından türk xalqına, prezident Rəcəb Tayyib Ərdoğana və həlak olanların ailələrinə dərin hüznlə başsağlığı verirəm. Yaralıların tezliklə sağalmasını arzulayırıq və Türkiyə üçün dua edirik", - deyə İrakli Qaribaşvili qeyd edib.
Son məlumatlara görə, İstanbulun mərkəzindəki İstiqlal prospektində baş verən partlayış nəticəsində 6 nəfər ölüb, 53 nəfər isə yaralanıb.
