"İranın Azərbaycana qarşı hərbi-siyasi təxribatları ilə yanaşı, zaman-zaman idman və bayraq təxribatları da olub. Məsələn, 2017-ci ildə bu ölkədə keçirilən Dünya Kubokunda bizim sərbəst güləş üzrə üzrə milli komandamıza təqdim olunan bayraq tamamilə təhrif olunmuşdu".
"Sherg.az" xəbər verir ki, bu barədə "Sərhədçi" İdman Olimpiya Mərkəzinin rəis müavini, İdman bölməsinin rəisi, Şöhrət ordenli Əməkdar məşqçi, Dövlət Sərhəd Xidmətinin polkovniki Firdovsi Umudov öz Feysbuk profilində yazıb. O qeyd edir:
Həmin dönəmdə sərbəst güləş üzrə yığma komandanın baş məşqçisi idim. Bir baş məşqçi və qəlbi vətən eşqi ilə döyünən vətəndaş kimi bunu bayrağımıza olunan hörmətsizlik, həqərat hesab edib, kəskin şəkildə etirazımı bildirdim.
Onlar başqa bayrağın olmadığını əsas gətirərək əməllərini pərdələməyə çalışdılar, amma bu bəhanə bizə keçməzdi. Həmin anda üzərimdə götürdüyüm üçrəngli, ay-ulduzlu şanlı Azərbaycan bayrağını təqdim etdim və öz bayrağımızı ucaltdıq.
Bir sözlə, o dönəmdə də İranın idman və bayraq təxribatının qarşısını aldıq.
Bu gün də Azərbaycan müzəffər ölkə olaraq cənub qonşumuzdan gələn bu və ya digər təxribatları önləyir və önləyəcək.
Yaşasın müstəqil və bütöv Azərbaycan!
Aşağıda bayraq təxribatının qarşısının alınmasına dair videonu izləyə bilərsiniz:
