![](/photos/sherg/2015-09-08-01-50-42anaaa.jpg)
Antalyanın Finike qəsəbəsində 31 yaşlı İhsan A., boşandığı həyat yoldaşı 5 uşaq anası 33 yaşlı Safıye Dəmiri küçədə ov tüfəngiylə vurdu. Ağır yaralanan Safıye Dəmir, xəstəxanaya aparılarkən yolda həyatını itirdi.
Finikenin Qırmızıca məhəlləsində məskunlaşan Safıye Dəmir, bir iş üçün evdən çıxdı. Safıye Dəmir, yolda boşandığı həyat yoldaşı İhsan A. ilə qarşılaşdı. İddiaya görə İhsan A., barışmaq təklifini qəbul etməyən keçmiş həyat yoldaşını yanında gətirdiyi ov tüfəngiylə sinəsindən vurdu. İhsan A., ov tüfəngini də götürərək hadisə yerindən uzaqlaşarkən, ətrafdakıların xəbəri üzərinə gələn təcili yardımla xəstəxanaya aparılan Safıye Dəmir, həyatını itirdi. İhsan A. isə polis tərəfindən qəsəbənin mərkəzində tutuldu.
Gündəlik işlərə gedərək 5 uşağına baxmağa çalışdığı ifadə edilən Safıye Dəmirin ölüm xəbərini alan anası Elvide Dəmirin isə xəstəxanada halı pisləşdi. Analarının ölümüylə yıxılan Bünyamin (13), Rəbiyə (11), Fəxriyə (10), Berfin (4) və Kübra (2) da xəstəxana qarşısında gözlədi. Safıye Dəmiri ziyarətə gələn xalası Rezzan Nur da "Qayın, sənə "ata” dedim. Səni əsla bağışlamayacağam” deyə fəryad etdi. Evdən uzaqlaşdırıldığı ifadə edilən İhsan A.ın, keçmiş həyat yoldaşının onunla barışmaması səbəbiylə bir müddət əvvəl bıçaqla intihara cəhd etdiyi bildirildi.