İzmirdə yaşayan 31 yaşlı Arzu Levent, 20 il əvvəl işə başladığı fabrikə ortaq oldu. Onun həyatı, bir çox qadına nümunə olacaq qədər müvəffəqiyyətlidir... Arzu Levent, "Qız uşağı oxumaz” deyən atasına görə ibtidai məktəbdən sonra təhsilinə davam edə bilmədi.
O günləri kədərlə xatırladan Levent, "Təhsil xərcləri mənlikdir, qıymayın uşağa. Çox müvəffəqiyyətli oxuyur” deyən müəllimləri belə atasını razı sala bilmədiyini deyir. 12 yaşında boyu belə çatmadığı ayaqqabı dəzgahının başına keçən Arzu Levent, orta məktəb və liseyi də gecə bitirdi. 31 yaşlı Arzu Levent, 19 il əvvəl qablaşdırma xidmətində işə başladığı fabrikin ortağı olmaqla yanaşı, müdirlik vəzifəsini də yerinə yetirir. Levent, ildə 300 min ayaqqabı istehsal edən fabrikdə qadınlara şərait də yaradıb. Onların qardaş, bacılarının oxumasına yardımçı olur. Fabrikin sahibi Mustafa Akkaşlıdan təriflə danışan Levent, "Mənə inanmasa, güvənməsə edə bilməzdim. Düz dayanmağı, problemə həll tapmağı ondan öyrəndim” deyir. Atasının illər sonra "Kaş ki, sənin kimi 50 qızım olaydı” sözünün, onu rahatlaşdırdığını ifadə edən Levent, belə əlavə edir: "19 il əvvəl ayaqqabı fabrikində çalışan qadın yox idi. Kişi işçilər məni aralarına götürməz deyə fikirləşirdim. Mən isə bu işi qadınların da edə biləcəyini göstərdim. Peşə liseyinin ayaqqabıçılıq hissəsinə qızlar gəlmək istəmirdi, gedib onlara hekayəmi izah etdim. Məktəbə 28 qız şagird qəbul olundu.”
Hakim olmaq xəyalından heç bir vaxt vaz keçməyən Arzu Levent, universitetdə hüquq təhsili almaq istədiyini də sözlərinə əlavə edir.
