Anası ağlaya-ağlaya Putinə müraciət etdi

Yasəmən Zeynalova:“Balamı orda döyməsinlər belə alçaltmasınlar, yoxsa gəlib orada özümü partladacam”

Rusiyada qətldə şübhəli bilinərək saxlanılan Orxan Zeynalovun anası Yasəmən Zeynalova oğlunun həbs ediləcəyi təqdirdə özünü öldürəcəyini bildirib. ANS PRESS-in Rusiya mətbuatına istinadən verdiyi məlumata görə, Orxanın qohumları bu hadisənin onun elədiyinə inanmadıqlarını və obyektiv araşdırma aparılmasını xahiş ediblər. "Mən inanmıram ki, oğlum günahkardır əgər günahkardırsa nəyə görə onunla belə davranırlar? Nəyə görə onu döyürlər? Qayda-qanun var əgər günahkardırsa qanun əsasında cəzalandırsınlar. Bu cür alçaltmaq heç bir çərçivəyə sığmır. Hara lazımdırsa mən şikayətimi edəcəm”, - deyə ana bildirib. Qadın kameralara görüntülənən onun oğlu olmadığını oğlunun həmin şəxsə oxşadığını bildirir. "Görüntülərdə tamam ayrı insandır, amma mənim balamı tutublar. Bu nə deməkdir? Biz hər zaman ruslara hörmətlə davranmışıq. Nəyə görə Orxan bir insanı bıçaqlamalıdır? O mədəni ailədəndir. Bunlar hamısı Rusiyanın siyasətidir. Onlar azərbaycanlıları Rusiyadan çıxarmaq üçün belə bir yola əl atıblar”. Orxanın Rusiyada 10 il yaşadığı deyilənlərə isə ana bildirib ki, bu doğru deyil, Zeynalov cəmi 3 ildir Rusiyaya gedib. Yasəmən Zeynalova Rusiya Federasiyasının prezidenti Vladimir Putinə şəxsən bu proseslə məğul olması üçün müraciət də edib. Ana göz yaşları içində oğlunun təhqir olunmaması üçün xahiş də edib. "Balamı orda döyməsinlər belə alçaltmasınlar, yoxsa gəlib orada özümü partladacam”.