Ər keçmiş arvadından belə intiqam aldı

Bu gecə saat 04:00 radələrində Yevlax rayonu Füzuli küçəsində rayon sakini keçmiş arvadından intiqam almaq qərarına gəlib. Daxili İşlər Nazirliyinin mətbuat xidmətinin verdiyi məlumata görə, Elçin Bağırov münaqişə zəminində həmin küçədəki 1 saylı bazara məxsus mehmanxanın otaqlarından birində yaşayan keçmiş arvadı Aybəniz Quliyevanın otağını yandırıb. Nəticədə evin giriş qapısı yanıb. Hadisə nəticəsində xəsarət alan olmayıb. Yevlax rayon polis şöbəsi tərəfindən araşdırmalar aparılır.