Onlayn qəzet

Digər kateqoriyalar

Suriya zülməti...

00:27 18.10.2013 Arxiv 486
Ərdoğanla Putin yenidən müzakirə aparacaqlar

Son zamanlar Rusiya və qardaş Türkiyə arasındakı münasibətlərdə müəyyən istiləşmə müşahidə olunur. Bir müddət öncə, prezident Vladimir Putinin və baş nazir Rəcəb Tayyib Ərdoğanın bir araya gələrək regional məsələləri müzakirə obyektinə çevirməsi belə düşünməyə əsas verir. Daha bir görüş bu ilin payız fəslinin sonlarına planlaşdırılıb. Belə ki, V.Putin və R.T.Ərdoğan Moskvada yenidən görüşəcəklər. Rusiya Federasiyasının xarici işlər nazirinin müavini Aleksey Meşkov görüş barədə yayılan xəbərləri təsdiqləyib: "Rusiya Federasiyası prezidentinin və Türkiyə Respublikasının baş nazirinin görüşlərinə hazırlaşırıq”. Dövlət rəsmiləri arasında baş tutacaq görüşü şərh edən politoloq Həsrət Rüstəmov qeyd edib ki, Türkiyə NATO-nun Şərq regionunda ən böyük ölkəsidir. Rusiya isə bu regionda çox maraqlıdır. Ona görə də şimal qonşumuz rəsmi Ankaranı nəzərə almadan Şərqlə bağlı siyasətini yeridə bilməz: "Rəsmi Moskva və Ankaranın maraqlarının üst-üstə düşdüyü xeyli məqamlar var. İndiki halda Suriya məsələsini önə çəkmək lazımdır. Güman edirəm ki, görüşdə münaqişə bölgəsi ilə bağlı qaranlıq məqamlara yenidən baxılacaq. Rusiyanın Suriyada çox böyük hərbi bazası var. Suriyada rus hərbçilərinin olması, Rusiya iqtisadiyyatı üçün strateji əhəmiyyətə malikdir. Məlumdur ki, şimal qonşumuzun Yaxın Şərqdə bütün dayaqları əlindən çıxıb. Suriya onların sonuncu nöqtəsidir”. Siyasi təhlilçi bildirib ki, Ərdoğan iqtidarının İrana olan münasibəti də əvvəlki Türkiyə hökumətlərindən fərqlidir: "Çünki Amerika ilə İran arasında yeni dönəm başlayıb. Rəsmi Moskva və rəsmi Ankara arasında da çox böyük iqtisadi layihələr var. Amma Qafqaz məsələsinin Rusiya və Türkiyəni ciddi narahat edən hadisə olması da göz önündədir. Bu baxımdan hesab edirəm ki, görüşdə Qarabağ münaqişəsi və Qafqazla bağlı hər iki ölkənin ortaq maraqlarının müzakirə mövzusu olması da istisna deyil”.


Oxşar xəbərlər

post-slider
Günün qoroskopu: enerjiniz yüksək olacaq
05:57 02.01.2025
post-slider
Bəzi magistral yollarda görmə dumana görə məhdudlaşacaq
04:54 31.12.2024
post-slider
Faktiki hava açıqlanıb
09:36 08.07.2024
post-slider
39 dərəcə isti var - Faktiki hava
11:07 18.06.2024
post-slider
Bu bölgələrdə küləklə bağlı sarı və narıncı xəbərdarlıq edilib
17:21 24.05.2024
post-slider
Bakıda 20 dərəcə isti olacaq - PROQNOZ
12:54 12.04.2024

Xəbər lenti

Hamısına bax