Onlayn qəzet

Digər kateqoriyalar

“Mənim dediklərimin tam əksinin utanmadan adıma yazılmasına görə söz tapa bilmirəm”

22:33 21.10.2013 Arxiv 520
ATƏT PA-nın müşahidə missiyasının rəhbəri, Almaniya Bundestaqının deputatı “Azadlıq” qəzetinin internet səhifəsində dərc olunmuş məqaləyə etirazını bildirmişdir

ATƏT Parlament Assambleyasının Azərbaycanda oktyabrın 9-da keçirilmiş prezident seçkilərini müşahidə missiyasının rəhbəri xanım Doris Barnett "Azadlıq” qəzetinin internet səhifəsində dərc olunmuş "Alman deputat seçkini təriflədiyi üçün cavab verməli oldu” sərlövhəli məqalədə onun adından səsləndirilmiş fikirlərə münasibət bildirmişdir. Azərbaycanın Almaniyadakı səfirliyindən AzərTAc-a daxil olan məlumatda deyilir ki, oktyabrın 18-də "Azadlıq” qəzetinin internet səhifəsində "Alman deputat seçkini təriflədiyi üçün cavab verməli oldu” sərlövhəli məqalə dərc olunmuşdur. Məqalədə Almaniyada yaşayan 20-yə yaxın azərbaycanlının Bundestaqın deputatı, xanım Doris Barnettin yaşadığı Ludviqshafen şəhərində onun üzvü olduğu Sosial-Demokrat Partiyasının (SPD) qərargahı qarşısında keçirdiyi etiraz aksiyası barədə məlumat verilir. Məqalədə etiraz aksiyasının ATƏT Parlament Assambleyasının Azərbaycanda oktyabrın 9-da keçirilmiş prezident seçkilərini müşahidə missiyasının rəhbəri kimi xanım D.Barnettinin seçkilərin yüksək səviyyədə təşkil edilməsi ilə bağlı verdiyi bəyanatlarla əlaqədar keçirildiyi bildirilir və aksiya iştirakçıları ilə görüşmüş xanım D.Barnettin adından onun seçkilər barədə söylədiyi fikirlərin guya təhrif olunması barədə sitatlar verilmişdir. Məsələ ilə bağlı Azərbaycan Respublikasının Almaniya Federativ Respublikasındakı səfirliyi tərəfindən xanım D.Barnettə müvafiq sorğu göndərilmiş və onun məsələyə münasibəti öyrənilmişdir. Xanım deputat səfirliyə cavab məktubunda yuxarıda qeyd olunan məqalədə ona istinadən verilmiş sitatlar haqqında aşağıdakıları bildirmişdir: "Faktların saxtalaşdırılmasına, mənim dediklərimin tam əksinin utanmadan mənim adıma yazılmasına görə söz tapa bilmirəm. Mən dünən Maynts şəhərindən gəlmiş nümayişçilərin sözçüsünə bu haqda yazacağam”.

Oxşar xəbərlər

post-slider
Günün qoroskopu: enerjiniz yüksək olacaq
05:57 02.01.2025
post-slider
Bəzi magistral yollarda görmə dumana görə məhdudlaşacaq
04:54 31.12.2024
post-slider
Faktiki hava açıqlanıb
09:36 08.07.2024
post-slider
39 dərəcə isti var - Faktiki hava
11:07 18.06.2024
post-slider
Bu bölgələrdə küləklə bağlı sarı və narıncı xəbərdarlıq edilib
17:21 24.05.2024
post-slider
Bakıda 20 dərəcə isti olacaq - PROQNOZ
12:54 12.04.2024

Xəbər lenti

Hamısına bax