Rusiya ilə sərhəddə 300-dən çox iritonnajlı yük maşını Azərbaycana keçmək üçün 3 gündür icazə gözləyir.
"Azadliq.info” Rusiya KİV-ə istinadla xəbər verir ki, Dağıstanla Azərbaycan arasındakı "Yaraq-Qazməmməd” gömrük məntəqəsinin qarşısında TIR-lardan ibarət bir neçə kilometrlik tıxac yaranıb. Yük maşınlarının sərhəddə ilişib qalmasına səbəb Rusiya gömrük xidmətinin müvafiq sənədləşdirmə işlərini yerinə yetirməkdən imtina etməsidir. Rusiya gömrükçülərinin sənədləşmə işlərini niyə yerinə yetirmədikləri haqda isə məlumat verilmir.
