İstirahət günlərində "eBay” saytına "iPod” musiqi pleyerinin prototipi çıxarılıb.
İKT.lent.az-ın "ixbt.com” saytına istinadən məlumatına görə, pleyer "TheAppleGuru” adlı istifadəçi tərəfindən istifadə olunub və 99 995 dollar qiymətinə təklif edilib.
Panelin əks tərəfində düz "Apple” loqotipinin altında "iPod Classic”in P95 DVT model nömrəsi yazılıb. Qırmızı rəngli çap platasında 2002-ci il qeyd edilib.
Lotun təsvirində deyilir ki, bu nadir prototip olduqca əla vəziyyətdədir və tam olaraq işlək vəziyyətdədir. Bundan başqa, o, yaşına baxmayaraq, enerjini yaxşı saxlayır.
Bu satıcının 69 müsbət rəyi (100%) mövcuddur və onlardan heç biri mənfi deyil. O, həmçinin ilk nəsil "iPad” prototipini də satışa çıxarıb ki, onun da qiyməti 5 min dollar təşkil edir.
