Əməkdar artist Kəmalə Rəhimli ilə həmkarı Ruhəngiz Musəvi arasında yaşanan qalmaqal son günlərin səs-küylü xəbərləri sırasındadır. K.Rəhimli "APA TV”də aparıcı Yalçın Uğurun təqdimatında yayımlanan "Show time” verilişində həmkarı Ruhəngiz Musəvini kəskin tənqid edib: "Bu, Ruhəngizin öz səhvi olub. Mən heç kəsə ilişən adam deyiləm. Heç kəslə də maraqlanmıram. Ancaq mən maraq nöqtəsindəyəm. Hər zaman mənimlə maraqlanıblar.
Feysbukda da mənlə maraqlanır, söz atırlar. Məni heç kəs maraqlandırmır. Çünki özümü hamıdan artıq bilirəm. Ruhəngiz mənə qarşı çox böyük bir səhv elədi. Məhz buna görə də onunla əlaqəmi kəsdim. Telekanallara çıxışımı istəmir. Onunla yaxşı vuruşdum. Sözləşdim, dedim, nə ixtiyarla mənim adımdan belə söz demisən? Mənim adımdan başqa yerdə söz danışmışdı, ona görə də ondan bərk incidim. Bu qədər”.
Qeyd edək ki, K.Rəhimli ilə R.Musəvi illər öncə yaxın rəfiqə olub.
Məsələyə münasibət öyrənmək üçün Ruhəngiz Musəvi ilə əlaqə yaratdıq. Kəmalə Rəhimli barədə "Şərq”ə danışan Rühəngiz Musəvi "Məni Azərbaycanda hamı yaxşı tanıyır. Əslində kimin kim olduğunu insanlar yaxşı bilir.
Kəmalənin açıqlaması, ittihamı gülməlidi. Səni efirlərə dəvət etmirlərsə, Ruhəngiz günahkardı? Bu nə məntiqdi? Mən kanal rəhbəriyəm ki, sənin efirə çıxmağına qadağa qoyum. Mənim heç kimlə işim olmayıb bu günə qədər. Kimsə deyə bilməz ki, birinə pisliyim dəyib. Başımı aşağı salıb işimi görmüşəm. Bu səsə görə də Allahıma şükür etmişəm. Dəvət olunan yerə getmişəm, çağırılmayanda da kiməsə yalvarmamışam ki, məni efirə dəvət edin. Mən sənətimə görə bu günə qədər sevilirəm. Əgər səni efirlər dəvət etmirsə, mənim günahım nədi? Qaldı yalana, nə demişəm? Mən özümə hörmət edən insanam. Ona görə də açıb ağartmaq mənə yaraşmaz. Sən mənə telefonda elə sözlər yazmısan ki, yerimdə kim olsa sənə cavab qaytarardı, özüdə layiqli cavab.
Mən yenə də sənin xəstə olduğunu nəzərə aldım. Əksinə, mən həmişə səninlə yaxşı mənada maraqlanmışam ki, yazıqdı, sənət dostları olmuşuq. Mən sənin pisliyini istəməmişəm. Amma görünür mənim varlığım səni narahat edib. Ayıb olsun, Kəmalə Rəhimliyə! Mənim başqa sözüm yoxdu. Mənim nə Kəmalə, nə də başqası ilə işim yoxdu. Kəmalə illər sonra gündəmə gəlmək, efirə qayıtmaq istəyirsə, mənim adımla özünü reklam etməsin. Biz yaxın rəfiqə də olmamışıq. Bu qız bilmir nə edir. Xəstədi. Başa düşürəm. Amma ağlı ki, yerindədi. Sadəcə nə danışdığını bilmir.
Mən onun səviyyəsinə düşmək istəmirəm. Onun kimi qarğış edən də deyiləm. Mən bircə onu deyirəm ki, səni Allaha tapşırmışam! Mən hələ yaxşı adamam ki, yenə də xanımlığıma sığınıb susuram, sənə cavab vermirəm. Sən qarğış edəndə kimə nə edirsən? Özünü gözdən salırsan. Efir mənim əlimdə olub ki, sənin yolunu kəsmişəm? Bu yaşda özünü gülünc vəziyyətə salır. Vallah yaraşmır. Nə yaşına, nə də xanımlığına yaraşdırıram. Ayıbdı, tanıyanlar gülür”.
Tahirə
