Türkiyənin Adıyaman bölgəsində qəribə bir hadisə yaşanıb. 30 il əvvəl həyatını itirən Mulla Kosaların məzarı yaxınları tərəfindən icazəsiz açılaraq, cəsəd Adıyamanın mərkəzindən kəndə aparılarkən polis hadisəyə əl qoydu.
Məlumata görə, təxminən 80 yaşında, 30 il əvvəl həyatını itirən Mulla Kosalar, yaxınları tərəfindən Karapınar məhəlləsində olan bir dərənin ətəyinə dəfn edildi.
Yaşlı adamın torpağa verilməsindən 30 il sonra qəbiristanlığın olduğu nöqtəyə daşların tökülməsindən sonra bir çox məzar daşların altında qaldı.
Vəziyyəti fərq edən Mulla Kosaların yaxınları Kosaların məzarını açıb, 30 illik cəsədi Kotur kəndinə aparmaq istədi. Yaxınları səhər saatlarında Kosaların məzarı başına gələrək məzarı kürək bellərlə açmağa başladı. Hadisənin terror və ya məzar oğurluğu olacağından şübhələnən vətəndaşlar isə vəziyyəti polis qruplarına bildirdi. Hadisə yerinə gələn Terrorla Mübarizə Şöbə
Müdirliyi ilə Asayiş Şöbə Müdirliyi qrupları, Kosalar ailəsinin məzar açma və cənazə nəql etmə sənədinin olmadığını əsas gətirərək qazıntı işlərini dayandırdı və məzar açıldığı kimi təkrar bağlanıldı. Mulla Kosaların bacısı oğlu Əziz Kosalar, "Burada əvvəldən bir çox məzarlar vardı. Və onların çoxu daşların altında qaldı. Baxdıq, "bizim məzar da altda qalacaq,” dedik cənazəmizi götürüb kəndə aparaq, o da icazə sənədi lazım imiş” deyə bildirib.
