"Ölüm hökmünün bərpasını dəfələrlə mən də təklif etmişəm”.
Bunu Sherg.az-a bir müddət öncə silahlı qüvvələrin bəzi əsgər və zabitlərin, eləcə də mülki şəxslərin dövlətə xəyanət etmələridən sonra Azərbaycanda ölüm hökmünün bərpasının gündəmə gəlməsinə münasibət bildirərkən millət vəkili Fazil Mustafa deyib.
O bildirib ki, hamilə qadınlara, azyaşlı körpələrə qarşı cinayət əməlləri törədilərsə, ölüm hökmünün tətbiqi normal qəbul olunmalıdır:
"Amma burada başqa problem var ki. AŞ ilə münasibətlər baxımından öhdəlik götürmüşük. Bu gün Türkiyəyə qarşı müşahidə olunan təzyiqlərin də arxasında ölüm hökmünün bərpası istiqamətində aparılan tədbirlər durur. Ölüm hökmü bərpa olunarsa, həmin yanaşma bizə qarşı da yaranacaq. Biz Avropa Şurası ilə münasibətlərə son qoyuruqsa, o zaman bu qərarı qəbul etməkdə problemimiz olmur.
Amma bu əməkdaşlığı davam etdirə biliriksə, bu izolyasiyaya (təcridolunma) gətirib çıxara bilər. Prinsipcə düşünürəm ki, hamilə qadınlara, azyaşlılara qarşı qəddarlıq nümayiş etdirən, hərbi istiqamətdə vətənə xəyanətdə günahlandırılan cinayətkarlara qarşı belə addımın atılması müəyyən hüquqi nəticə doğurmalıdır”.
