"Manatın qorunub saxlanması, tələb təklif məsələsi, neftin qiymətində müşahidə olunan enmə və qalxmalar, idxal-ixrac əməliyyatları iqtisadiyyatın inkişafına təsir göstərir0”.
Bunu Sherg.az-a 2017-ci ildə Azərbaycanda ÜDM 1,4% azalacağı ilə bağlı danışarkən iqtisadçı deputat Vahid Əhmədov deyib.
O bildirib ki, bu proseslərin hamısı bir-biri ilə əlaqədardır:
"Azərbaycan hökuməti və digər müvafiq qurumlar pul kütləsinə nəzarəti kifayət qədər gücləndiriblər. Qanunlar qəbul olunub, konstitusion razılıqlar verilib. Bundan sonra pul kütləsi müəyyən qədər daralıb. Bu səbəbdən manata ciddi təzyiqlər yoxdur. Lakin real sektorun inkişafı vacib məsələdir. Bunu inkişaf etdirmək üçünsə investisiya qoymaq, vəsait buraxmaq lazımdır.
Bu məsələləri elə təmin etməliyik ki, ümumdaxili məhsulun həcmində artım təmin olunsun. Keçən ilki 3,1 faiz azalmanın aradan qaldırılması, artımın olması üçün mütləq şəkildə investisiya yatırmalı, qeyri-neft sahəsində inkişafa çalışmalıyıq. Balansı elə yaratmaq lazımdır ki, gələcəkdə problem yaranmasın. İnvestisiya yatırıb, qeyri-neft sektorunu inkişaf etdirməliyik. Manatın indiki səviyyədə qorunub, saxlanması müəyyən insanlar və dövlət üçün əhəmiyyətlidir. Real sahədə inkişaf olması üçün çalışmaq lazımdır”.
İqtisadiyyatda irəliləyişləri müəyyənləşdirən məsələlərin cənab prezidentin diqqətində olduğunu deyən V.Əhmədovun sözlərinə görə, xüsusilə, kənd təsərrüfatının inkişafı önəmli mövqedədir:
"İlk dəfədir ki, Azərbaycanda ixrac idxalı üstələyir. Yəni biz xaricə daha çox məhsul satmışıq. Bu, müsbət addım olmaqla birbaşa manata təsirdir. Digər tərəfdən qeyri-neft sahəsinin inkişafına təsir edən digər sənaye parkları tikilir. Bəziləri bu ilin axırlarında, bəzisi isə gələn il istifadəyə veriləcək. Bunlar hamısı iqtisadiyyata təsir etməlidir".
Ayyət Əhməd
