ABŞ Koreya Xalq Demokratik Respublikasını (KXDR – Şimali Koreya) nüvə danışıqlarına geri dönməyə çağırıb.
“Report” xəbər verir ki, bu barədə ABŞ Prezidenti Cozef Baydenin Şimali Koreya üzrə xüsusi təmsilçisi Sunq Kim danışıb.
Onun sözlərinə görə, ABŞ Şimali Koreya ilə hər yerdə və hər zaman müzakirələrə hazırdır.
S.Kim ABŞ və Koreya Respublikası (Cənubi Koreya) arasındakı əməkdaşlığın və keçirilən birgə hərbi təlimlərin müdafiə məqsədi daşıdığını və Şimali Koreyaya qarşı yönəlmədiyini bəyan edib.
ABŞ Prezidentinin təmsilçisi Şimali Koreyanı nüvə danışıqlarına qayıtmağa dəvət edib.
