Bu ay Avropa İttifaqı (Aİ) – Ukrayna – Rusiya formatında təbii qaz tədarükünə dair danışıqlar davam etdiriləcək.
"Report” xarici KİV-ə istinadən xəbər verir ki, bu barədə Avropa Komissiyasının enerji ittifaqı üzrə vitse-prezidenti Maroş Şevçoviç məlumat verib.
"Avropaya uzunmüddətli qaz tranzitinə dair Rusiya və Ukrayna ilə üçtərəfli siyasi danışıqların ikinci mərhələsinin yanvarın 21-də Brüsseldə (Belçika) keçiriləcəyinə şadam”, - deyən Aİ rəsmisi qarşıdakı danışıqların tərəflər arasında bundan əvvəl müxtəlif səviyyələrdə keçirilən görüşlərin nəticələrinə əsaslanacağını bildirib.
