AMEA-nın Hüquq və İnsan Haqları İnstitututunun elmi işçisi və doktorantı Səid Musayev Amerikanın Qlobal Antisemitizm Siyasəti İnstitutu (Institute for the Study of Global Antisemitism and Policy - İSGAP) tərəfindən Böyük Britaniyanın Okford Universitetində təşkil olunacaq antisemitizmin müasir problemlərinin elmi-aspektdə öyrənilməsi naminə təşkil olunacaq təlimlərdə iştirakla bağlı dəvət alıb.
Sherg.az xəbər verir ki, bu universitetin akademik və professorlarının rəhbərliyi altında 16-iyuldan 29 iyul-a qədər davam edəcək təlimlərin əsas məqsədi dünyada geniş vüsət alan antisemitizm bəlasının fənlərarası aspektlərdəöyrənilib, tədris proqramı hazırlanaraq tədris edilməsidir.
Dünyada antisemitizmə qarşı mübarizə sahəsində tanınmış İnstitutlardan biri olan Qlobal Antisemitizm Siyasəti İnstitutu (Institute for the Study of Global Antisemitism and Policy – İSGAP)Şimali Amerikada antisemitizm probleminin elmi sahədə tədqiq olunması məqsədiylə yaradılmış ilk institutdur. Hər il dünyanın qabaqcıl Universitetlərindən olan Harvard Hüquq Elmləri İnstitutu (Harvard Law School),İsrailin Tel-Aviv Universiteti, ABŞ-ın Yal Sosial və Siyasi Araşdırmalar İnstitutu (Yale's Institution for Social and Policy Studies) və Yerusəlim Ivrit Universitetdə (Hebrew University of Jerusalem) antisemitizmin sosial və elmi mahiyyətinin tədqiq olunması naminə təlimlər təşkil edir.
Xatırladaq ki, Səid Musayev 2016-cı ilin yanvarın 1-dən AMEA-nın Hüquq və İnsan Hakları İnstitutunun doktorantıdır. Hazırda ‘Rasizm, Antisemitizm və gənclərin radikallaşmasına qarşı insan hüquqları kontekstində mübarizə təcrübəsi Avropa və Azərbaycanda’ mövzusunda tədqiqat işi üzərində çalışır.
Ayyət Əhməd
