"Azərbaycanlıların övladlarını rus sektoruna qoyması zahirən sadə məsələ kimi görünsə də, dərinlikdə ciddi problemlər yaradır”.
Bu barədə "Sherg.az”a əksər valideynlərin təkidlə övladını rus sektorunda oxutmağa çalışmasından danışarkən millət vəkili Fərəc Quliyev bildirib.
O xatırladıb ki, Rusiyada Azərbaycan məktəbləri yox dərəcəsindədir:
"Rusiyada azərbaycanlılar üçün bazar günü məktəbləri varsa, bizdə də ruslar üçün belə məktəblər yaradıla bilər. Rusdillilər öz danışıq dillərini qorumaq üçün orada təhsil ala bilər.
Dünyanın hər yerində dil mühüm məsələdir. Qazaxıstanda rus dilinin rəsmi dil kimi istifadəsinə qadağa qoyuldu. Ölkəmizdə reklamların rusca verilməsi, ünsiyyətin rusca qurulması, xüsusi dairələrdə rusca danışılması, məmurların rus dilinə üstünlük verməsi dilimizə sayğısızlıqdır.
Xarici dillərin öyrənilməsinin əleyhinə olmamalıyıq. Gənclərimiz nə qədər çox xarici dil bilsə, o qədər yaxşıdır. Amma öz dilimizi arxaya atmamalıyıq. Bu tendensiyanı aradan qaldırmaq vacibdir. Rus dili, ingilis dili və s. şəkildə təmayüllü məktəblər ola bilər. Kütləvi şəkildə insanların Azərbaycan dilində təhsil alması üçün addımlar atılmalıdır. Elektron KİV-lər, televiziyalar işləməlidir. Dövlət proqramı olmalıdır ki, dilimizi sevdirmək üçün müddəalar ortaya qoyulsun. Elə imkanlar yaradılmalıdır ki, insanlar Azərbaycan dilli məktəblərdən başqa məktəblərə meyl etməsinlər”.
Qeyd edək ki, şagirdlərin 1-ci sinifə başlamasından indiyə qədər Təhsil Nazirliyi (TN) və Bakı şəhər Təhsil İdarəsi (BŞTİ) qarşısında çoxsaylı valideynə rast gəlinir. Həmin valideynlər övladlarının rus bölməsindən istəyənlərdir. Məsələnin narahatlıq doğuran tərəfi isə odur ki, artıq rus bölmələri olan orta məktəblərdə bütün yerlər dolub. TN və BŞTİ isə məlum hlı rus bölməsinə marağın artması ilə izah edir.
Aysel Aslan
