Azərbaycanlı sosial media fəalı Ağa Mehdi Avropanın 10 ölkəsini piyada gəzməyi planlaşdırır.
Bu barədə azərbaycanlı gənc məlumat verib.
Onun sözlərinə görə. 2019-cu ilin noyabrında Estoniyanın paytaxtı Tallindən yola düşərək Latviya, Litva, Polşa, Almaniya, Hollandiya, Belçika, Fransa və İspaniyanı piyada keçmək niyyətindədir:
"Hədəfim Estoniyanın paytaxtı Tallində başlayıb Lissabonda, Portuqaliyada yekunlaşdırmaqdır. Təxminən 4000 km məsafədir ki, ancaq piyada getməyi düşünürəm.
Məqsədim Dünyada baş verən ekoloji problemlərə diqqəti çəkməkdir. İqlim dəyişikliyi ən azı media dəyişikliyi kimidir, onlar dəyişəndə çox şey dəyişir və bunların dərin səbəbləri var.
Layihənin devizi olaraq, İmam Hüseynin (ə) “Mənim yeganə istəyim müsbət dəyərləri yaymaq, mənfilərin qarşısını almaqdır" sözlərini seçmişəm".
Qeyd edək ki, Ağa Mehdi buna qədər Bakıda qarlı havada kilsəyə gedən yolu təmizəməklə gündəmə gəlmiş və böyük rəğbətlə qarşılanmışdı.
